Nisatekiteki’ nu i kalaludan.

夏之韻

U caledes nu kalaludan, awaay ku masiyasiyanay a nahanhannan.

炎熱的夏天，沒有慵懶氣息；

I lidung nu cidal, melaw han ku masamaamaanay salungan amin a maurip.

豔陽下，環顧…萬物都生氣勃勃地展現活力；

Yu samatiya sa u cidal a varuan, ya nikacerak nira samatiya sa u mataway tu nu pising.

花叢裡的太陽花，綻放著笑臉；

Matiya u mitalaay tu masadakay nu cidal, miaray tu i kudulay a pauripay.

猶如等待旭日東昇，感謝上蒼賜予生命。

I rengurengusan a sical, micevar tu sakuvad a mavaher i kakarayan a mitepar tu calamay.

草叢裡的小雲雀，展開雙翼，衝上天際親吻雲朵；

Saalesu’ saan a remadiw kira ayam, matiya u micemekay tu i kudulay a wama.

清脆嘹亮的鳥啼聲，猶如在讚美天上的父神。

U micekaway i kilangkilangan a dadacdac, tanu suni saan a masuni mahaen u remadiway tu kapahay a tengilan a radiwan.

那棲息在樹林裡的蟬兒，吱吱作響…彷彿山間詩班疊撞出美妙的韻律。

Maruyaruy a tayra i tarawadaw a midanguy ku adiwawa nu niyaru’.

部落的孩童，結伴到溪邊戲水游泳；

Makakukukuku, caay kasaterep ku tawa.

追逐奔跑，笑聲此起彼落，

U mahaenay ku urip nu adiwawa nu Pangcah, awaay ku sasimsiman.

這就是阿美族的童年生活，無憂無慮好不熱鬧。

Tataang ku cidal, awa:ay tu ku lawad nu ina a pawali tu vuduy atu havalak.

艷陽高照，媽媽忙進忙出披曬衣物被褥，

U nipawalian a nipacilahan i vadahung, nipatungal tu mamamelawen i tina kalaludan.

屋頂上曝曬醃製食品，增添了夏日的風景。

I umaumahan i lutulutukan a mawmahay, katangasaan tu ku kalahukan, makumud tu amin i sasa nu titic.

山上田間工作的農夫，到了中午用餐時，大家就聚集在榕樹下，

I umaumahan a mikisasaepi’, kemaen, pahanhan, u sakariharayay ku mahiniyay a nikaurip.

乘涼、用餐、歇息休憩，享受著農村生活中的愜意。

I lislis nu liyal, aluman ku namakarumaay a kitakid nu mihululay a misasapi’ tu vali nu liyal.

大海周邊有許多遊客吹吹海風，有的來自遠方的國度，

Cevaren tu ku masamaamaanay a cacevaren.

撐起形形色色的遮陽傘，

Mataelingan i elun a misasaepi’, a mitengil tu suni nu laying.

臥躺在涼椅上，聽聽浪濤聲，

I liyaliyalan nu hahululan, u misasa’ay tu ngeru’ nu tirengtirengan.

海邊度假的悠閒，紓解生活中的壓力。

Ay! awaay ku nasiyasiyan i kalaludan.

哇！夏日沒有慵懶的氣息。

Namakayniay: i 104 a mihcaan, u nu Cyaw-yi-pu Yen-cu-min-cu Wen-siye-cyang nu sakapahay a nisuritan ni Cu Cin-yi < Nisatekiteki’ nu i kalaludan. >

原文出處： 104年教育部原住民族語文學獎作品-朱清義&lt;夏之韻&gt;