U suwal nu lutuk, iraay tu ku ngangan nu heni.
山裡的話，有他們的名字
I lavii misalamal cira.
晚上，他升起火
Waniken nira ku avel i lalavu nu avu.
清晨撥開灰裡的炭
Miiyup, u lahngangayay.
吹氣，是紅色的。
Madengay tu a yara tu saan cira.
他說可以去了
Ira iaayaw nu sakatalalavu a lalanan nu lutuk cira.
他在入山前的小路
Mikeriday a mitengil tu radiw, tu adingu nu heni.
領聽祂們的歌聲、祂們的身影
Tavesiw saan ku sasikinih tu nu lutuk ku heni.
祂們帶著山的情緒一閃而過
Madengay tu a yara tu saan cira.
他說可以去了
Remuhu tu ku kilang a mikavit i tanenglay a rarakatan.
彎下的樹桿勾住亮亮的足徑
U sera, u papah ku sapavangcal tu panan.
用土、樹葉裝飾地上的門
Madengay tu a semuwal saan cira.
他說可以說了
“Namuh Kacaw, Payu Vuting, Kacaw Payu, Panay Kayu, Remuh” tu cira a miangang tu ngangan nu nimanima.
「Namuh Kacaw, Payu Vuting, Kacaw Payu, Panay Kayu」他蹲下喊著每個人的名字
Matiya u nikahecacacacayay nu papah naun sa a masatuku i sera.
好像都跟著每片葉子緩緩地停在土上
Namaka aluvu nu mangcel patahkal tu pulut.
從山羌皮包，拿出尾巴
Mikulit tu mamulmulay i panan, matiya u malipahakay a militemuhay tu heniyan i niyaru’.
在門口畫圈，彷彿所有的人都歡迎牠們來到部落裡
Ya ngitih, u matedaray ku raic a rarapa.
那夢是一頭脫了繩的牛
Madengay tu a yara tu saan ku suwal nira, tungalen tu cacay ku nikasikeliw.
他說可以去了，要多帶一條線
Ya ngitih, namaka tungruh nu lutuk a makurukur tu vunak atu vekeluh.
那夢是山頂滾落的塵土與石頭
Madengay tu a yara tu saan ku suwal nira, kasivaruru tu.
他說可以去了，準備好背籃。
Ya ngitih, u tataangay ku vali atu urad, maluluh tu ku kilakilangan.
那夢是狂風暴雨，森林東倒西歪
Madengay tu a yara tu saan ku suwal nira, alumanen tu ku nikerid tu tamdaw.
他說可以去了，要多帶點人一起。
Naayaway kina suwal.
關於過去的這些話
Suwal saan ku vaki i ciraan, “u marucekay kina suwal i tisuwan anu saan, itinien: tu i valucu’.”
爺爺曾跟他說：「這些話，如果跟你很合，你就好好揹。」
Suwal sa cira tu vaki nira, “maulah haw kisu tu lutuk, hakulung han tu aku kisu a tayra haw!”
他對他的孫子說：「你喜歡山上嗎?我帶你去啊!」
Suwal saan ku vaki, “a singangan tu haw kaku i lalavu?”
孫子說：「我的名字也會在裡面嗎?」
A caay kasingangan kita itini i nasuwalan.
我們的名字不會在話裡
Nika, u suwal nu mita, a itiya satu a singangan i nalikulan.
而我們的話，會留在以後的每個名字
Namakayniay: i 110 a mihcaan, u saka 12 a teka nu Taiwan Yen-cu-min-cu Wen-siye-cyang nu sakapahay a nisuritan ni Cyu Li-zen < U suwal nu lutuk, u singanganay ku heni. >
原文出處：110年第12屆臺灣原住民族文學獎得獎作品集-邱立仁 <山裡的話，有他們的名字>