Nalikulan mapatay a demak
身後事
Nali’epahan, araw makasimsimay kisu tu nu nalikulan a demak.
幾杯後，你忽然想到了以後的事。
Hacacacacay han a patahkal tu ku sasuwalen.
一句吐著一句
Pasayni kiya vali, yu anavu’ ku sakapacekil i takuwan kiya hati:ni tu saw kaku.
有風吹來，夾帶的塵埃讓我突然渺小
Suwal sa kisu, “sulinay haw, u nu sera tu ku sakapahay, awaay ku tekiteki’, matiya sa u nivursakan tu sapaluma i sera.”
你說：其實，土葬比較好，又安靜，像在土壤裡播種子。
Matalaway kaku tu lamal sa isaw!
就是我怕火吧
Nacaay hen kavanvana’ kamu tu nikaawaay tu nu sera nu mita.
你們從來不知道，只是我們的地愈來愈少了
Aka ka urun itakuwan, awaay ku mavana’ay tu lavades nu nikaurip nu maku.
不要懷念我。這裡，沒有人懂得那苦澀的一生
Akaa pitakus tu rumaan a pituuran, remadiw sa ku heni, a caay ka matiya u nu mita a naluwan, hayan sa ku alesu’ a tengilan.
不要請宗教人士來，他們的唱讃，沒有我們歌好聽
Patelien tu tuluay a remiadan, a mamitala hen kaku tu ruma a tamdawan.
停放三天吧，我要等一個人
Anu malawit tu tuluay tu a remiad, awaay tu a tayni pakeda han tu.
三天後沒來，那就算了
U ruma a tamdaw, melet sa ku nipatalahkal tu vangcal.
有的人僅僅代表美麗的刹那
U malaliway tu nu kerah.
總會錯過
I lalavu nira tangulan, aka piuden a pacumud tu vuduy.
那個木箱裡，不用裝太多衣物
I laluma’ nu sera, caay tu kavana’ tu nu hekalan a paed tu lietec.
土裡面，哪裡還感覺得到世上的炎涼
Papayaen haw kaku? Icuwa ku luma’ nu maku?
我需要門牌嗎?我的居所在哪裡?
Mangaay tu kilimen ku matatudungay a vukeluh.
找一個像樣的石頭就好
I valed u maan ku tuktuken, cima kaku?
上面要刻什麼，我是誰?
A cima han hakiya? U sasimsimen nu maku a maurip.
叫什麼?我想了一生了
Anu mahaen tuktuken i valed. Pihaceng ku ada:da.
那麼，刻上非常疼痛吧!
U nikauripan, hadidi: han aku a caay hen pasuwal.
這輩子，我忍著從來沒說出口
Sisa, anu mituktuk kisu i, pinauni tu.
所以，你刻的時候輕一點
Anu silawad, tayni han tu haw, caay katataang sa ku vali itini.
有空就來坐坐，這裡風不會很大
Celak han ku tatipeluk, seni’ han ku epah. Makumud atu tuas i taheka.
鋪張報紙，酹一點酒，祖先便會同席
A ini:tu kaku i ngata, ngay makamelaw tu kisu tu hahanhanan nu maku i nipalamalan nu misu itakuwan tu tavaku.
我就在附近，你會看見你點給我的菸頭上有我的hahanhanan
Hamanan pilunguc itakuawan, a caay pakadiput kaku itisuwan, a isu tu ku tapang.
不用祈禱，我没有能力保佑你，一切靠自己
Maamaanay tu ku lalavu nu luma’, masasuwasuwal may kita tu nipalumaan tu lusay a kilangan, siheciay tu hakiya?
聊聊家事，談談那些果樹長果實了沒有?
U maan ku demak isu i matini, mitengil tu suwal haw ku wawa isu?
最近忙了什麼，孩子有沒有聽話?
Aka tu kasumuwal tu naayaway a demakan, a maanen saw a mapawan aku!
不要提舊事，我哪裡會忘記!
Pimelawi kisu tira i vakeluhay a ngangan.
你看，石頭上的那個名字
Aka kasemuwal tu sakatalaayaw nu mita, kivana’an tu nu maku kiniyan.
不要提我們的未來，一切我都早就料到
Pimelawi! kisu! tira i vakeluhay a ngangan.
你看!石頭上的那個名字
Makayniay: i 110 a mihcaan makaala tu sakapahay a nisuritan a kaulah saka 12 a teka nu Taiwan Yen-cu-mi-cu-yi Wen-sey-cyang ci Cen Hong-ce < U nalikulan mapatay a demak. >
原文出處：110年第12屆臺灣原住民族文學獎得獎作品集-陳宏志<身後事>