Matiya u mavawvaway ku urip.

彷彿漂浮的生命

Namakairay ku Fonglaysi i lutuk nu Cyalisan.

蓬萊溪源自於加里山

I nikatumes tu, nikakerah tu nu sauwac a remiadan, makamelaw tu ku nikasumad nu remiad, matungula, matahpu nu curevacev ku lutuk atu salangdaw sananay a kilakiangan.

在溪水暴漲和乾涸之間看見交替的季節，照拂著滿布雲霧的山脈和墨綠的樹海

Iraay nu lutuk, micelak tu sakuvad kuya palang a miliyut, masadak ku micidekay a masuni, kuwaw! kuwaw! kuwaw!

遠山，一隻老鷹張翅巡弋，蕩出猛禽特有的叫聲─古奧、古奧、古奧

I Pakasanay a niyaru’ masadakay ku marihaday a tangic nu lutungay.

巴卡山聚落傳出嬰兒低沉的哭聲

I limaay a vulad samer sa ku vali, caay kasaterep a misipu tu i mataay a lusa’ ci ina.

五月暖風，不停拂拭母親噙著淚水的眼睛

Yu nipanganganan, matiya sa u kaluvuisvaisan a masapinang.

命名，如天上星辰獲得辨識

Yu maparepitay tu a Tin-vu-ay a tarud nu lisin i, ira ku likakawa pasakakarayan a pacakut malahad.

在貼上天胡荽草儀式中被舉高向天成長

Materakay tu a puna, mataruay tu i valuhay a papah nu luuh nu taraduh, u sapakalayap atu matu piadup ni Ley-ni a pisavaluh a misa umah matu suwal mararid ku kilemel.

脫落的肚臍早已包入芭蕉樹的新生葉中，以獲得雷女狩獵和開墾所流傳的力量

Milayap tu pana’, matungal tu ku vucul.

受贈箭鏃，增加了一把弓

Napakayra i lalikul nu tusur a mitaeliv ku tawa niya matuasay.

從老人膝上滑落笑聲之後

Makategil tu inaayaway a radiwan, pakainiay i sema a matuduc.

聽見古老的歌謠在舌間傳詠

Matengilay: tu ku nipilunguc nu matuasay tu kakarayan atu seraan.

不斷聆聽長者祭告著天與地

Makahemay a mata matu malikatay masapinangtu, matiya u nu mainem ku tusur a misatakutakud, caay ka simunang a kamay, caay pakavuhat tu tuka atu caayay pakalisimet tu tanang i mihmihcaan.

混濁眼睛似乎更為透亮清晰，膝蓋如鹿般跳躍，忙碌的手，啟開不能怠惰疏忽的流汗歲月

Yu mavana’tu tu nikatamelacay nu sera, nika sasungaay tu aca nikacacihi tu, matiya u caay kasapinang ku nisimedan a kilemel a midama, sakacaay pakaawas tu mamiliyas tu masamamaanay a mitena’ay.

當懂得與純潔無瑕的土地，或親暱或爭吵，隱約感受到隱藏的力量前來扶持，而跨越無法逃離的多重障礙

Mavana’ay tu a miaray, a pavadis, napakayni i nikasitama, nikalecapu a makivana’ ku nikacaay katalahad nu niyaru’.

學會了感謝與分享，從獲得獵物和歡宴中看見部落人的慷慨

Mikunyaku, mikikung ira aca ku nipakerid tu turun, epah atu titi nu vavuy.

訂婚、結婚伴著糯米糕、酒和豬肉

Sakinaayaway a mikerd tu lutungay a taluma’ a mamavalic tu tavu, mamapaveli tu pana’ atu nipurudan nu keliw.

首度帶嬰兒回娘家交換便當，互贈箭鏃或紡線團

Yu nikatanektek hen i masakapahay ku urip a taluma’, salipahak sa a matatakec, a taletangic ku nikakumud i misalisin tu pivahvahan.

中年回娘家和除喪儀式，共同歡笑和相互擁泣

Itiya i matatakid a lakakawaw a lemahad sa ku nikasivalucu’ay.

在共飲杯酒的習俗中黏染著情感

U talatuas, u nipalemed tu lutungay a lisinan, matiya satu u iraay tu ku maamaan nu nikaherekan a nipaina.

祭祀祖先、祝福新生兒儀式，如蓋印鑑般成全所有

Namitanam tu ku nikangaay nu vuti’ nu wawa i kulul, awaay tu ku kilemel a pakatawa tu adiwawa.

嚐過孩子在背上甜蜜的睡眠之後，再也無力扮演丑角逗樂小孩

Katangasaan tu ku nipisuayaw tu sakatayra i tatuasan.

前往祖靈世界的時候到了

Miawas tu matiyaay u cacakatan a lutulutukan, a remakat, a u i kudul nu kutem, maiyup tu nu vali ku lutuk malulud samatiya sa u niyuru’ nu nanum.

跨過如階梯的山脈漫步雲端，銀霧被山風吹捲得像水波漩渦

Mapacait tu ku u’ul i papah nu sangiyaw atu papah nu talud, matu urip a malikat mavaraw i kakarayan.

柳杉竹林草葉上吊掛的雨霧水珠，像生命一樣晶瑩亮麗的漂浮空中

Tangasa i dauc awaay ku paherkan nu urip, mauripay hen kaku, anu sivalian tu, uradan tu, makatengil tu tu suni atu kahecacacacay sananay a nipitadihang.

生命永遠沒有結束，我始終活著，在風中在雨中，聽著一聲聲一句句的邀請召喚

Caay piraay kaku a remakat, yu niparatuhan tu inaayaway a kungku, matu cascas namakakudul a maseni’.

我沒有走遠，傳誦的故事如瀑布般由上傾瀉而下

Sulikulen a misuayaw tu lutuk remadiw tu kaulahan atu salaliyasan a radiwan.

轉身對著山脈唱著餘興歌曲和離別之歌

I kakarayan nu Cya-li-san, ira ku masa alitaday nu kutem, matiya u mangitihay a matawa a pising nu simauvaday a vukes nu matuasay.

加里山天際一朵凝住的白雲，像白髮蒼蒼老人的臉，正在微微含笑

Namakaniay: i 104 a mihcaan Ciyaw-yi-pu Yen-cu-mi-cu-yi Wen-sey-cyang nisuritan ni Ken A-se < Matiya u mavawvaway ku urip. >

原文出處： 104年教育部原住民族語文學獎作品-根阿盛&lt;彷彿漂浮的生命&gt;