Yu dademak ku tamdw, caay kanca ira ku nisimsim, anu awaay ku venis malasawadtu awaaytu ku sadak.
一個人在工作中，都會有理想與目標，如未依循方向，就前功盡棄，一無所得，
Manay ira ku suwal nu Pangcah “malaliw nu kerah” saan.
所以阿美族有一句名言：「錯失良機」。
Ina suwal na makayni i sawali a niyaru’, u sapavana’ tu caayay pisausi tu tuki atu matukaay a tamdaw.
這句名言是靠海維生的阿美族為訓勉不遵守時間（懶惰）的人所說的箴言。
U liyal ira ku kerah atu malenu hananay, na makayni i sumad nu Ticiw atu Cidal atu Vulad.
海洋產生落潮與漲潮的現象，是地球受太陽與月球的影響，
Manay miteparay tu liyal a tamdaw, misa’usi tu kerah atu lenu nu liyal, kiya a ira ku nivuting atu nilalacanan atu nidatengan tunu liyal, anu caay pakatakup tu kerah nu liyal, a awaawa ku nirepetan nu misu.
所以，靠海生活的人都配合潮汐到海邊捕魚、撿海螺、海菜等，才會有豐盛的收穫，如果妳未趕上落潮，你還能取得到什麼呢？只有空手而回。
U ni kavana’an nu iteparay nu liyal a tamdaw, anu pakaynien i rakat nu vulad, anu i terung ku vulad malingatu a makerah ku liyal. Manay u aayaw atu lalikul nu saka cacay a remiad nu vulad, makerah tu ku remiad awaay ku vali.
靠海維生的知識中，依月亮走勢認識海的潮汐，當月正當中時即開始落潮，所以農曆初一前後，日間都落潮、無風，
Nika anu u lalud, u ka valiwsanan, u sadawa i saka 7 atu 22 a remiad nu vulad, i kalaviyan a malingad a makerah ku liyal, masadak ku kuhkuh nu liyal, mikilim tu kakaenen.
所以颱風季節大都在這個時候出現。上下弦月農曆初七和二十二日前後，約下午黃昏後開始落潮，海螺出現覓食；
U aayaw atu lalikul nu 15 a remiad nu vulad, 4 a tatukiyan ku kerah a malenu tu, manay u tu’as nu mita, ira kuni kavana’an, a mimelaw tu kerah nu liyal, manay pavana’ i titaan.
初十五月圓前後，落潮很大，但是時間很短大約四個小時就開始漲潮。所以我們的祖先
A itiya yu makerah ku liyal a tayra. Anu malaliw nu kerah, awaayay tu ku sadak, awaayaytu ku epuc.
依月亮視海的潮汐，按落潮去海邊，未按時趕不上，
“Malaliw nu kerah” sananay a suwal nu matu’asay, u patinaku haw i titaan u maamaan a demak, ira ku nisimsim tu tuki atu paketem tu demak, anu caay ka haen ku demak, awaay tu kuepuc, awaay tu ku sadak.
這就是所說的錯失良機典故。這句箴言主要的意涵，即是老人家形容任何事物要實現必有其準則與規範，所以我們不可不知建立守時的觀念，如果上級規定逾期而錯失良機，遭受懲罰，還有什麼意義呢？