Anu kumud han ku nipasuwal, u mavana’ay tu demak nu sakay kawasay.
在共同的語言中, 祭師最了解神靈界
U sikawasay hanay a nipangangan i, kaw u kawas ku tapang nu tatudung, pacapa’ han tu “si” atu “ay” ta sitatudung tu “sikawasay” hanay a malaheci kira ngangan.
祭師「sikawasay」依字詞的結構，「si」是指擁有附有之意，「kawas」是語幹，是指神靈或鬼靈之意。「ay」是指什麼人之意。「Sikawasay」全指擁有通靈能力的人。
Patangasa han kira imi i, u mavana’ay tu demak nu kawakawasanay atu adingu nu ma’uripay han a patatudung.
祭師最能傳達天意和影像給在世的人們
U maan ku vana nu sikawasay, maka melaw ku mat atu kawas, maka tengil ku tangila tu suwal nu kawas, dengay a masa suwal tu kawas.
祭師的特殊功能—肉眼可以看到神靈，耳朵可以聽到神靈的話，可以跟神靈溝通對話。
U demak nu sikawasay tu niyaru’, miterung tu lisin nu niyaru’, mikelul tu caayay ku kapah a lemed nu niyaru’, mipuhpuh tu adada nu tamdaw.
祭師對部落的工作任務—主持對部落的重要祭典，為部落却災、避禍求福，為病人治病。
U sadak nu sikawasay i niyaru’, u matiya caay hen ka vuhat ku tangal nu matuasay, maka litemuh tu caayay kavilu nu tamdaw a demak, caykanca haw pitadihang tu sikawasay, milunguc tu tu’as a pakalemed.
祭師的貢獻—過去人智未開半原始的阿美族社會，尤其人力不可抗力的天然災害，須仰賴祭師祈求祖靈保佑，
Ita u rayray nu Pangcah aka ka pawan tu nawnu tu’as a selangawan.
阿美族的後代子孫，切記我們曾經有過這樣的傳統信仰文化。