"U maan ku sinavel nu mita, a malahuk saw?" "Aw maan u kavitu i", mahaen ku ni paca’uv nu matu’asay, sulinay cacay ku sinavel a malahuk, manay mitudung ku ta’u i titaan.
「我們中午吃什麼？」「有湯就好了！」老人家很常如此答覆，然而午餐就真的是那麼一道菜。也許就是如此簡單的飲食觀和文化，因此大家跟著學吃我們阿美族的食物。
Nika caay ka dayum kina cacayay a kavi, anu liyal aca, anu dateng nu umahay, Anu siraw adidi aca, u asuay a sinavel.
說起湯的食材和料理，可不是一般簡單的湯哦！無論是海鮮水產、野菜文化以及風味特殊的醃生肉，是相當豐富的美味佳餚呢！
Anu maka liyalay a sinavel, ira ku urang ira ku kanasaw ira ku sulita ira ku Kalang, ira ku kanavuting, ira ku lalacan.
若是海裏來，則是各式各樣的海產，有龍蝦、海瞻、章魚、螃蟹、魚、貝類以及叫kung的魚。
Yu matiya mavana’ ku wama nu maku a Micelem, taluma’ sa tu davak, matumes kuni kaalaan.
從前我父親喜歡潛水，清晨回家總是收穫滿滿。
Awaay tu ku lawad niyam aci ina. Milikines atu militinayi’ tu vuting, ami u wawa mikati tu vaki atu vayi, a tayni maranam, caay ka putun kuni pakaulah “asu’ ku vuting nina kadavu saan”.
父親和母親忙碌著刮魚鱗取魚肚腸，我們小孩子的任務呢，則是去邀請祖父母，伯父伯母，叔叔阿姨前來家裏共享海鮮大餐，他們總是讚不絶口地說：這女婿射的魚真是好吃啊！那水裡去呢？
Tingalaw ku nanum yu matiya tayra ci vaki mivatili, taluma’sa adihay kuni kaalaan tu vuting atu urang u kalang,
以前的河水非常清澈，爺爺常到河裏電魚，每每回來我們都可以享受到一頓一極棒的魚、蝦、蟹大餐，
sa’asu saan ku kavi, tangasa anini caay hen ka pawan kami, a maenen caaytu kalecad ku saka ’urip anini, nika masimsim hen nu maku ku asu’ nu kavi nuya vuting.
湯頭美味十足至今令我難忘。雖然時代不同，生活方式大不同過往，但仍是我最難忘的美味，以前的河魚真是好吃啊！
Singangan ku muketepay a teluc nu Pangcah u dungec nu uway, u dungec nu paringad, u dungec nu penen, u dungec nu lalengac, u dungec nu icep, u dungec nu validas, u dungec nu tevus, u dungec nu tavas, u dungec nu avinun....
我們阿美族的「十心菜」很有名，「心」指的是植物的嫩莖；有黃藤心、林投心、芒草心、月桃心、檳榔心、山棕心、甘蔗心、鐵樹心、椰子心、海棗心等等。
Yu wawa hen kaku mihakulung tu ina atu vayi tayra i umaumahan midateng, ira ku tatukem, ira ku paheku,
小時候我常和媽媽阿姨們一起到野地採集野菜，有龍葵菜、鳥巢蕨嫩葉
anu adihay pasisi tu viyaw uni sasinavel tu saka lahuk, adihay ku lamlam nu dateng, caay ka awaay ku siraw, caay ka satudung ku alesu nu kaen!
採集豐收時一定分送給左鄰右舍。午餐，湯的料理絶不會是單一色的野菜，湯頭料理少不了醃生肉，口感豐富的野菜大餐一定能滿足你的味蕾呢！
U mahiniyay a kakaenen u kakilimen nu aniniyay a tamdaw.
如此健康自然的飲食文化，自然成為現代飲食消費所追逐的的寵兒，以及我最難忘的美味啦！