U sakacakat nu venek i ’urip nu Pangcah. Anu awaawaay ku cudad tu sakavana’ tu nu tamdawan ku Pangcah i, nika mapavalucu’ay tu nu Kawas ku heni tu sakavana’aw tu kakangudu’an a demak.
阿美族生活智慧的成長。阿美族人雖無文字可知曉「待人接物」之道理，但神卻已經賦予他們領悟是非的心靈。
Nanu adidi’ hen mapasuvana’ tu nu wama atu ina ku wawa tu dademaken tu saki itini nu luma’ ’atu saka kilemel a malingad i umah, nawhani awaay ku suvuc tangsul sa a mavana’ tu matiniay a demak.
父母從小就教導孩子有關家務和農作的技能，因為沒有人一出生就自然得知此事。
Nanu pasuvana’an tu nu ina atu wama ta mitu^ur midudu’ tu nanu suwal nu matu’asay, itila a matungal a matungal ku venek, ta masinanut midudu tu lekakawa ma’ikes tu ku valucu’.
必須由父母來教導順命聽從，無形中智能逐漸增長，進而心思練達，循規蹈矩。
Matu’as tu, vana’satu, tu sakingudu, mavana’ tu a mipili’, a patatudung tu taenek, mavana’ tu misapinang tu vangcalay atu raecusay.
長大成熟自然懂得禮儀，不但為人行事知分寸，也能分辨何者為善，何者為惡。
U nika matini nanu rayray, saka caay ka tangsul sa a milukes tu matu’asay. anucaay u suvana’ atu limu’ut nu ina atu wama nu Pangcah.
就是因為這樣，阿美族絕不輕意蹧踏長者或父母的教訓與叮嚀。
Unina ku saka tanektek nu heni a temireng itini tina hekal a ma’urip.
這是他們屹立不搖堅強立足於世的道理。