Iti;ya hen, ira kiya matu’asay, tatulu ku wawa nira, nika u satukaay a mawmah, sahuluhulul sa tu remi’remi’ad caay kangalay a dademak.
從前，有一位老人，他有三個孩子工作都很懶惰，整天玩耍不勞動。
Livut sa kira wama nu heni, maamaanen a semuwal caay tu pitengil.
他們的父親很厭煩，說也不聽。
Tuya cacay a remi’ad, adada kira wama nu heni, mangata tu a mapatay, angang han tu kiya tatuluay a wawa a patayni i a’ayaw nira, suwal satu tira wawaan.
有一天，他們的父親生病，病得快要死了。他把三個孩子召喚到跟前，他對孩子說：
“Mangata tu a mapatay kaku, adihay ku ekim nu maku, malaveng i a’ayaw nu luma’ a umah, anu mapatay tu kaku, katayra mikali kiya ekim, sasisien namu” han kiya wawa nira. maherek a semuwal kiya matu’asay, araw tepek satu ku mata.
「我快要死了，我有很多金子埋在家前面的田裡，我要是死了，你們去把那些金子挖出來，你們分吧！」說完就死了。
Tayra tu kiya wawa i umah, mikali tu ku heni a masaremi’ad masalavi’i, nika awaay ku nikamelawan nu heni tiya ekim.
老父親死後，三個孩子到田地裡去，整天整夜地挖掘，還是找不到金子。
Irevung irevung tu ku nitatak tira lakuan, awaay tu a mamelaw nu heni kira ekim, “nipaluma tu havay ku kapah” satu ku heni a malekaka.
那塊田地讓他們挖的越來越深了，也沒有發現什麼金子。「只好種小米吧！」他們三人說。
Mangata tu ku pisahavayan, awaay ku makaviluay tu nika vangcal niya havay nu heni, itiya a mavana’ ku heni tu suwal nu wama.
收小米的季節到了，他們的小米收成特別的好，誰家也比不上。
U niyan a havay kiya ekim hananay nu wama ita satu a masamata a mavana’, tuna mahaen satu, malaluk tu ku heni a mawmah tu umah.
這時，他們才明白父親的話：「父親說的金子，就是這些金子呀！」從此，三個孩子辛勤的工作了。