”U ’Amis hananay a tamdaw, u ’Amis hananay a tamdaw, u dademakay tu remi’ami’ad, caayay ka talaw tu cidal atu ’urad, hi yu hu hay yan, micekiw sa i liyal, mikalang i ’alu, lipahak tu remi’ami’ad.” U radiw ni Divuk -Uteng vaki kiniyan.
「阿美族人是天天勤奮工作的民族，不怕日曬雨淋，嘿嚘吼嗨漾，不但能下海撿貝類；而且還上山捉螃蟹，日日是快樂日。」
U kavana’an atu ka’ulahan nu mita kinian a radiw, maanenaca mapu’lac nira a masapinang ku tatudung, nu ma:an a ’urip nu mita u Pangcah. kapah a tengilen kina radiw, tadamatumes nu lahkelay, lipahakay a valucu’ i sasivu’an nira, tadamapatalahekal henay nira, ku micidekay a demak nu mita u Pangcah. Su’linay matiya u wawa nu liyal atu lutuk kita u misaPangcahay. Caay ka cangu’ut kita tu saka ’urip atu kakaenen.
這首歌謠是我們最耳熟能詳，也是最能朗朗上口的歌，因為它的詞意道盡了我們生活文化的真實面，以及阿美文化的特色；在歡樂的曲調中，散發出民族知足常樂的特性。
Anu malaluk a dademak i, adihay i liyal ku dateng, adihay i umaumahan ku sinavel, adihay ku vuting i tarawadaw, manga’ay yaca a talalutuk a mi’adup, mitalakal. Wata: kita u misaPangcahay, dengay tu kita a ma’urip i tini i hekal u tatapalen.
阿美族儼然是個大自然山海的兒女，可以靠山靠海生活，只要勤奮，海裡來山裡去，一點兒也不愁吃喝；所以說，阿美族是可以在天地間安然存活的民族；
Kalumelaaw nu mita ku venek nu rayray nu tatu’asan nu mita, pa’uripaw nu mita ku kapahay a suwal nu mita u Pangcah.
讓我們珍惜祖先們遺留下來的生命智慧，更讓我們傳承獨有美麗的阿美族語。