Caay ka nikaw tu dateng ku Pangcah. Anu i liyalay tu, i umaumahay tu, i lutukay tu, ruma i mavaheray tu makaen a maemin nu Pangcah. tayra i liyalay i, ira ku vuting, kalang, lalacan, ’urang, kanasaw, damay atu masamaamaanay a rengus nu liyal.
阿美族不缺菜。無論海中的、陸上的、上山的或是飛的阿美族都會吃到海中有魚、螃蟹、烏龜、花螺、龍蝦、海膽、青苔、海絲帶以及海中的各色各樣的菜類。
I umaumahanay i, ira ku tatukem, kawpir, apalu, vahuk, tananuman, lumingay, vata’an, rihum, tevi’, vadas, sama’, tayaling, kenaw, vida’ul, tamurak, tali atu masamaamaanay makaenay a pinalengaw.
陸上有、龍葵、蕃薯嫰葉、野鵝菜、麵包果、芋莖乾幹、佛手瓜、長豆、樹豆、紅豆、萊豆、絲瓜、翼豆、山萵苣、苦瓜、蔥蒜、胡瓜、南瓜、芒草心、生薑、芋頭、竹筍、辣椒、莧菜、水耳以及各種可吃的植物。
I lutukay i, ira ku sukuy, adeci, dungec, paheku, lukut, kacumuli, ’alem, lawal, mancel, atu masamaamaanay a titi nu a’adupen.
山上有木虌子、箭荀、山棕心、黃藤心、龍葵、蕨菜、山蘇、蝸牛、腹斑蛙、穿山甲、飛鼠和山羌的小腸以及各種獸肉。
U titi nu mavaheray a ’ayam i, ciluciluk, vanul, pulu’, tikukuway, karnis, ’altipal atu nu masamaamaanay a ’ayam.
飛禽的肉包含燕子、麻雀、野鴿子、鵪鶉、白秧雞、環頸雞、黑頭翁 、藍腹鵲以及各種可吃的飛禽肉。
U kakaenen nu Pangcah i, caay kahati:ni aca, adihay hen caay tu kaw papilien kaw lalasawaden, a matila aca u maan ku ka’ulahan nu misu a dateng saw?
說到阿美族的菜餚不是只有這些而已，還有很多可謂不勝枚舉，那麼 你到底喜歡那一種菜餚呢！