1.
U miadupay nu niyaru’ ku ama nu maku.
我的爸爸是部落的獵人。
2.
Yu wawa hen kaku, yu tahekal ci ama aci vaki, sinirepet tu hawan atu kuwang ku heni.
我小的時候，爸爸和叔叔會在晚上出門，帶著獵刀和獵槍。
3.
Tangelal sa hen ku remiad, siniawit tu tama’ ku heni a taluma’.
天亮時，他們就會帶著獵到的獵物回來。
4.
Yu ruma sa u vavuy nu lutuk, yu ruma sa u rapic, alamaanan ira ku tuluk.
有時候是山豬、有時候是飛鼠，偶爾也會有雉雞。
5.
I luma’ ku heni a mikilac tu tama’ tu sapavatis tu laluma’an.
他們會在家裡把獵物分好，分享給族人。
6.
Miucil kaku ci amaan, mangalay a mihakulung ci amaan a miadup.
我每次都會吵著爸爸，要跟著爸爸去打獵。
7.
Itiyaaw tu a mihakulung anu matuas tu kisu saan ci ama.
爸爸說等我長大了他再帶我一起去。
8.
U teker ku sapiadup nu vavainay, mavana’ ku heni a misanga’ tu talakal, tu erid atu taerev.
男人會用陷阱抓獵物，他們會製作套索陷阱和石壓式陷阱。
9.
Mavana’ ci ama aku a misateker, u sapiteker tu tuluk ku matuniay saan, a sameteken nu mita a mimelaw ku narakatan nu aadupen, sulinay pacunek han i narakatan nu aadupen a pateli.
我的爸爸很會製作套索陷阱，爸爸說，這是用來捕抓雉雞的，我們要仔細觀察獵物的腳印，陷阱要放在獵物走的路上。
10.
Makalah kaku a matuas saan, kiya a hakulungen nu matuasay a miadup, saremiad satu kaku a minanam a misanga’ tu tatekeran, sulinay, sinikalepelan tu aadupen ku nisanga’an nu maku a teker.
為了可以趕快和大人一起去打獵，我每天練習製作陷阱，很快地我的陷阱就真的可以抓到獵物了。
11.
Melaw sa ci ama i takuwan, Suwal sa : A u tatadaanay a miadupay kisu i rumaan a remiad.
爸爸看到後對我說我以後一定會是很厲害的獵人。
12.
Matuas tu kaku anini, caelayen nu maku ku pana’ a mihakulung ci amaan a tayra a miadup.
現在我長大了，我背起我的弓和箭矢，跟著爸爸一起去打獵。
13.
Taluma’ sa i niyaru’ kilacen niyam ku tama’ a pavatis tu laluma’an.
回村時將獵到的獵物切割和族人們分享。
14.
Suwal sa ci ama, “A mivetik kita tu nipalemed nu kawas tu nikarahid nu mita a ira ku sakataluma’ a tama’.”
爸爸說，我們要感謝祖靈賜福，讓我們有很多獵物收穫。
選擇單元
選擇單元
選擇單元
選擇單元